قصص أطفال قبل النوم مكتوبة بالعامية
قصص أطفال قبل النوم مكتوبة بالعامية تساعد الأطفال على الاسترخاء والنوم بشكل سريع، بالإضافة إلى أن اللغة العامية تسهل عليهم فهم تفاصيل القصة، والاستمتاع بها بشكل أكبر مقارنة باللغة العربية الفصحى، وخاصةً إن كانوا صغار في العمر.
قصص أطفال قبل النوم مكتوبة بالعامية
تساعد القصص بشكل عام على تقوية شخصية الأطفال وتسليتهم في ذات الوقت، ومن ضمن هذه القصص:
قصة السلحفاة الطائرة باللغة العامية
كان في مدينة فيها بحيرة صغيرة وكان موجود فيها سلحفاة صغيرة وبطتين، وبعدها البحيرة الصغيرة دي نشفت والبطتين قالوا أنهم يسيبوها ويدوروا على مكان آخر فيه ميه يعيشوا فيه، وراحوا يقولوا للسلحفاة أنهم ماشيين.
قالت لهم السلحفاة أنها كمان مش هتعيش في مكان مفيهوش ميه وأنها لازم تمشي كمان.
وطلبت منهم أنها تمشي معاهم بس قالولها أنهم بيعرفوا يطيروا وهي بتزحف بس ومش هينفغ تيجي معاهم.
وبعدين البطتين قالوا خلاص تعالي معانا بس بشرط، قالتلهم السلحفاة إيه هو الشرط؟ قالولها متتكلميش خالص طول الرحلة.
ولا معانا ولا مع أي حد، قالت لهم السلحفة طب هتبعكم إزاي؟ فبطة من البطتين جابت لها عود خشب وقالت لها تمسك فيه.
وافقت السلحفاة وأخدت منهم عود الخشب ومسكته، وبعدها طاروا البطتين، وهما ماسكين عود الخشب والسلحفاة ماسكاه.
باقي الحيوانات اللي في الغابة فضلوا يضحكوا على السلحفاة وهي طائرة مع البط.
وبعدين سمعت الحيوانات وهما يقولوا إزاي في سلحفاة بتطير قالت وفيهت إيه يعني؟ ووقتها السلحفاة فتحت بوقها وتكلمت.
وبعدين وقعت على الأرض وإتجرحت، والبط نزلوا ليها وقالو لها مكنش ينفع تتكلم عشان كانت تقع.
السلحفاة عرفت وقتها هما قالولها متتكلمش ليه وبعدين هما عالجوها، وقالت لهم أنها مش تخالف وعودها تاني عشان تحافظ على نفسها.
شاهد أيضًا: قصص خيالية طويلة للأطفال
الدروس المستفادة
الدروس المستفادة من قصة السلحفاة الطائرة تتمثل في:
- يجب علينا ألا نستهزأ بالأشخاص على أفعالهم ما دام لا نعرف ما الدافع الذي أجبرنا على فعلها.
- كما يجب علينا أن نقدم النصيحة إلى جميع الأشخاص، لتجنب وقوعهم في المخاطر بسبب أنفسهم.
- يجب علينا أن نحافظ على وعودنا وأن نستمع إلى نصائح الغير.
- يجب علينا التعلم من أخطاءنا وعدم تكرارها مرة أخرى للحفاظ على أنفسهم.
قصة العم صالح للأطفال
كان في شخص اسمع عم صالح، وكان معهوش فلوس وظروفه سيئة، وكان عنده بيت قديم وضيق، وعم صالح كان متجوز وعنده أولاد ومكنش عندهم أكل كتير.
وكان دايمًا غضبان بسبب حالته دي ومش بيحمد ربنا على نعمه وكان دايمًا بيشتكي من ظروفه.
فكان دايمًا بيتضايق ويقول أنا ليه مش معايا فلوس وبيتي مش حلو ومش بلاقي أكل كتير.
وكان بيفضل يقارن نفسه بالناس إللي حواليه ويقول هما عندهم بيوت حلوة وفلوس وعربيات وأنا معنديش.
ومرة كان راجع من الشغل بتاعه وشاف راجل لابس هدوم جميلة، وراكب عربية جديدة بس كان بيعيط بشدة وكان شكله تعبان ومريض.
راح له عم صالح وقاله أنت بتعيط ليه؟! فالراجل قال له إنه تعبان، ومريض وعنده فلوس كتير بس مش بتعالجه.
قال له كما إنه معندهوش أطفال يحبوه أو يهتم بيه وهو كبير في السن دلوقتي، زعل عم صالح على حال الراجل ده وحمد ربنا.
وشكره أنه معندهوش فلوس أو عربية أو بيت ضخم بس ربنا رزقه بالصحة والأولاد، اللي يهتموا بيه لما يكبر في السن.
من بعدها عم صالح حمد ربنا وبقى مبسوط بحاله ومبقاش متضايق، ولا بيشتكي من فقره أو بيته.
الدروس المستفادة
تتمثل الدروس المستفادة من قصة عم صالح في الآتي:
- يجب علينا أن نحمد الله على نعمه حتى وإن نملك أشياء مادية ثمينة.
- كما يجب علينا ألا نحقد على الأشخاص الذين يملكون شيء لا نملكه.
- يجب علينا أن نعرف أن الجميع لديهم مشاكل عديدة، حتى وإن امتلكوا بيوت كبيرة أو سيارات حديثة أو فلوس كثيرة، فقد يكونوا يعانون من مشاكل كبير كالمرض أو فقدان شخص من عائلتهم، وهذا يسبب لهم الحزن الشديد.
قصة الأرنب والبطة بالعامية
كان في غابة كبيرة ورائعة وكان يعيش فيها أنواع كتير من كل الحيوانات، وكان في أرنب يعيش في الغابة دي بس الأرنب كان أناني أوي.
وبيحب يأخذ كل حاجة لنفسه ومش عايز يبقى في حر مبسوط غيره، وكان بيفرح لما يبقى في حيوان متضايق.
وفي مرة كان الأرنب بيلعب في الغابة بالكورة بتاعته، وكان بيلعب جنب البحيرة، ووقتها كان في بطة صغيرة بتعوم في البحيرة.
وفضلت تتفرج عالأرنب وهو بيلعب بالكورة وشافته، وهو بيرمي الكورة علة الشجرة ووقع من الشجرة بيضة عصفور.
وشافت الأرنب، وهو بيهرب بعد ما كسر البيضة وهو راح عند شجرة تانية.
والشجرة التانية كان موجود فيه عش نحل وموجود فيه عسل والعسل ده كان في دب بيتغذى عليه، قام الأرنب وقع عش النحل بالكورة اللي معاه وبعدين مشي.
فجأة طلعته البطة وطلبت منه تلعب معاه بس هو رفض، وقاله أنه مش بيحب حد يلعب معاه وأنه عايز يلعب لوحده.
فالبطة تضايقت منه ورجعت تعوم تاني في الميه، وكان الأرنب فرحان، لأنه خلى البطة تزعل وتمشي وكمل لعب بالكورة.
لما كان الأرنب بيلعب بالكورة اتخبطت في الشجرة وبعدين نزلت في البحيرة وضاعت، وفجأة البطة لقت الكورة ورجعتها للأرنب.
وساعتها الأرنب حس بالذنب أنه رفض أن البطة تلعب معاه وزعلها وفرح بزعلها.
وإعتذرلها الأرنب وخلاها تلعب معاه، وبصوا أصدقاء وبيلعبوا دائمًا مع بعض.
والأرنب مبقاش أناني ومبقاش يأذي حد، وبيحي يشوفهم دايمًا مبسوطين وكل الحيوانات بقت تحبه وتحب تلعب معاه.
الدروس المستفادة
الدروس المستفادة لقصة الأرنب والبطة تتمثل في الآتي:
- الأنانية صفة سيئة للغاية ويجب علينا أن نحاول أن نتخلص منها، لأنها تنفر الناس منّا وتجعلنا مكروهين.
- يجب علينا الامتناع عن إيذاء الناس وتخريب ممتلكاتهم.
- الصحبة الجيدة تخرج أفضل الصفات في الإنسان، لذلك يجب علينا أن نختار بعناية الأشخاص الذين نصادقهم.
اقرأ أيضًا: قصص للأطفال في سن الثالثة
قصة الأرنب المتمرد للأطفال بالعامية
كان في غابة كبيرة وجميلة جدًا كان عايش فيه أرنب صغير، والأرنب ده كان عايش مع مامته ومامته كانت دايمًا بتدلعه وبتحببه وبتهتم بيه.
وفي مرة صحى من النوم لقى مامته محضراله الفطار ولما راح يأكل لقى في خس وجزر.
غضب الأرنب المتمرد جدًا وقال لماما أنا مش عايز كل يوم آكل جزر، وخس على الفطار والغدا والعشا وأنه عايز ياكل حاجات تانية.
مامته قالته إن هو ده الأكل إللي لازم الأرانب ياكلوه بس الأرنب، قالها إنه زهق من الأكل ده ومش عايز ياكله.
بعدها خرج الأرنب من البيت وفضل يدور على أكل تاني يأكله غير الجزر والخس، وبعدها الأرنب قابل كلب فسأله إنت بتاكل إيه؟ الكلب قاله أنا باكل عضم.
فقال له الأرنب إنه مش بيعرف ياكل العضم عشان سنانه مش قوية كفاية.
مشي الأرنب وفضل يدور في الغابة تاني على أي أكل ياكله، وبعدين لقى قطة بتاكل قالها إزيك بتاكلي إيه ممكن أكل معاكي؟.
قالت له القطة أنا باكل سمك وأرنب، قالها شكرًا مش حابب أكل الأكل ده وسابها ومشي.
فضل الأرنب ماشي في الغابة وقت طويل مكنش في أي أكل بيعجبه، وبعدها قابل أسد ماشي في الغابة فسأله أنت بتاكل إيه يا أسد؟.
قال له الأسد أنه بياكل لحم الحيوانات والأرانب، اترعب الأرنب جدًا، وخاف الأسد ياكله.
طلع الأرنب يجري ويهرب من الأسد عشان مياكلهوش ورجع بيته بيعيط، واعتذر لمامته عشان اتمرد على الأكل.
ومرضاش ياكله، وقال لها إنه هياكل الخس والجز كل يوم زي ما بياكل معاها وإنه مش هيدور على أكل تاني.
فرحت مامته بكلامه، وقالتله إنه لا يحمد ربنا عشان خلقله الأكل المناسب ليه، وفضل الأرنب ياكل الخس والجزر كل يوم.
الدروس المستفادة
الدروس المستفادة لقصة الأرنب المتمرد تتمثل في الآتي:
- يجب علينا أن نعرف حكمة الله في خلق الأشياء المناسبة لنا.
- يجب أن نشكر الله على نعمه في جميع الأحوال.
أهمية قراءة القصص للأطفال
هناك فوائد عديدة لقراءة القصص للأطفال، سوف نقدمها لكم من خلال النقاط الآتية:
- قراءة القصص للأطفال بشكل يومي يؤدي إلى الحفاظ على ميعاد نوم موحد، وسوف يعتاد الطفل على هذا الميعاد.
- تساعد قراءة القصص للأطفال على تعليم الأطفال حصيلة كبيرة من الكلمات المختلفة، وتجعلهم على علم بأكثر الألفاظ والتعبيرات، مما يؤدي إلى ارتفاع نسبة ذكاء الطفل، وقدرته على التذكر، والحفظ، والتفكير بشكل أكبر وأعمق.
- قراءة القصص للأطفال تفيد الآباء والأمهات أيضًا في التقرب إلى أبنائهم، وقضاء وقت ممتع معهم، وتساعدهم أيضًا على معرفة أحلامه وطموحاته وميوله.
- القصص تساعد الأطفال على التعلم بشكل سهل وسريع وممتع، وتمده بالعديد من المعلومات الهامة.
- يستمد الأطفال أخلاقهم وسلوكياتهم من القصص، لذلك يجب اختيار القصص المفيدة لهم والتي تعلمهم أمور خيرة.
تابع من هنا: قصص أطفال مكتوبة لتعليم القراءة
قصص أطفال قبل النوم مكتوبة بالعامية تسهل الكثير على الآباء، ولا تحتاج إلى مجهود كبير، حتى تصل المعلومة أو الفائدة إلى الأطفال وتساعدهم على النوم بهدوء.